Donald Tramp AQSh prezidentligi lavozimini egallagan taqdirda Pentagondan 30 kun mobaynida IShID jangarilariga qarshi kurashning aniq rejasini ishlab chiqishni talab qilish niyatida. Bu haqda u 6-sentabr, seshanba kuni Grinvillda (Shimoliy Karolina shtati) tarafdorlari guruhi bilan uchrashuvi chog‘ida ma’lum qildi, deya xabar beradi “TASS”.
“Yuqori martabali generallarni to‘playmiz va ularga aniq ko‘rsatmalar beramiz. Ularga IShIDni ishonchli va tezda mag‘lubiyatga uchratish rejasini Oq uyga taqdim etish uchun 30 kun muhlat beriladi. O‘zgarishlar prezidentlik lavozimida bo‘lishimning birinchi kunidanoq boshlanadi”, —deya ta’kidladi Tramp.
Trampning yordamchilaridan biri ABC telekompaniyasiga ma’lum qilishicha, milliarder yaqin orada harbiy budjet ko‘paytirilishini nazarda tutuvchi AQSh qurolli kuchlarini rivojlantirish rejasini taqdim etishni mo‘ljallamoqda.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)