Дональд Трамп АҚШ президентлиги лавозимини эгаллаган тақдирда Пентагондан 30 кун мобайнида ИШИД жангариларига қарши курашнинг аниқ режасини ишлаб чиқишни талаб қилиш ниятида. Бу ҳақда у 6 сентябрь, сешанба куни Гринвиллда (Шимолий Каролина штати) тарафдорлари гуруҳи билан учрашуви чоғида маълум қилди, дея хабар беради «ТАСС».
«Юқори мартабали генералларни тўплаймиз ва уларга аниқ кўрсатмалар берамиз. Уларга ИШИДни ишончли ва тезда мағлубиятга учратиш режасини Оқ уйга тақдим этиш учун 30 кун муҳлат берилади. Ўзгаришлар президентлик лавозимида бўлишимнинг биринчи куниданоқ бошланади», —дея таъкидлади Трамп.
Трампнинг ёрдамчиларидан бири ABC телекомпаниясига маълум қилишича, миллиардер яқин орада ҳарбий бюджет кўпайтирилишини назарда тутувчи АҚШ қуролли кучларини ривожлантириш режасини тақдим этишни мўлжалламоқда.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)