Sudan prezidenti Umar al-Bashir mamlakat g‘arbidagi Darfur tumanida qurolli nizolar tugaganini va u yerda tinchlik o‘rnatilganini e’lon qildi, deb yozadi “TASS”.
“Biz Darfur va Sudandagi barcha odamlarga o‘z majburiyatlarimizni bajarganimizni ma’lum qilamiz”, — dedi Sudan prezidenti Shimoliy Darfur shtatining ma’muriy markazidagi mitingda so‘zlagan nutqida.
Al-Bashir 2011-yilda Dohada Qatar hukumati vositachiligida Sudan hukumati va Darfur isyonchilar harakati vakillari o‘rtasida boshlangan Darfur bo‘yicha tinchlik muzokaralari muvaffaqiyatli yakun topganini e’lon qildi.
Bunda gap tarixdagi eng yirik va eng uzoq davom etgan qurolli nizolar yakuni haqida bormoqda, ularda 2003-yildan buyon 300 mingga yaqin kishi halok bo‘lgan.
Izoh (0)