Америкалик шифокорлар сурункали қон кетишини енгиллатишнинг оддий усулини аниқлади, дея хабар беради EurekAlert!
Оддий физиологик эритма шифокорлар томонидан кўнгиллиларда синаб кўрилган учта препарат каби самарали бўлиб чиқди. Олимларнинг тадқиқотлардан кўзда тутган мақсади дори воситаларидан қай бири қон кетишида кўпроқ ёрдам беришини аниқлашдан иборат эди.
12 ҳафта давомида бўлиб ўтган тажрибаларда 121 киши иштирок этди. Улардан ҳар бирига кунига икки маҳал бурнига спрей сепилди. Тажрибалар тугагач, кўнгиллилар даволаш самарасини баҳолади. Қатнашчиларнинг ўзини ҳис этиши спрей учта тиббий препаратдан бири ёки плацебо (мазкур ҳолатда туз эритмаси) бўлишидан қатъи назар, яхшиланди.
Олимлар буни қўлланган дориларнинг барчаси таркибида бурун бўшлиғи қуриши олдини олувчи (хусусан, қуруқ иқлимда) туз эритмаси борлиги, қолаверса, плацебо эффекти — инсон фойдаланилган препарат самарали эканлигига ўзини ишонтириши туфайли кайфияти яхшиланиши билан изоҳлади.
Изоҳ (0)