Ozarbayjon Respublikasi prezidenti Ilhom Aliyev O‘zbekistonning Bokudagi elchixonasiga keldi va Islom Karimov vafoti munosabati bilan o‘zbek xalqiga hamdardligini izhor etdi. Bu haqda “Jahon” axborot agentligi xabar bermoqda.
— Ozarbayjon xalqi Islom Karimovni birodarligimizning ko‘p asrlik an’analarini mustahkamlashga hissa qo‘shgan haqiqiy do‘st sifatida bilar va hurmat qilardi. O‘zbekistonning Birinchi Prezidenti ikki mamlakat o‘rtasida munosabatlar shakllanishi va har tomonlama rivojlanishida ulkan xizmat qildi. Islom Karimovning yorqin xotirasi hamisha qalblarimizda qoladi, — deya ta’kidladi Ilhom Aliyev.
Ozarbayjon prezidenti elchixonada ochilgan hamdardlik kitobida yozuv qoldirdi.
Izoh (0)