Toshkent shahar Navoiy ko‘chasi bo‘yida qurilgan yangi ko‘p qavatli binolarning orqa tomonidan ochiq maydonda 6-sentabr, seshanba kuni yong‘in yuz berdi. Bu haqda “Darakchi.uz” xabar bermoqda.
“Darakchi.uz”ning Toshkent shahar IIV YXBBga asoslanib xabar berishicha, hududda yuzaga kelgan yong‘in haqida soat 14:24 xabar kelib tushgan, soat 14:53 da hodisa joyiga o‘t o‘chirish brigadalari yetib borgan.
Qayd etishlaricha, qurigan o‘t yonishi oqibatida kelib chiqqan yong‘in 800 kvadrat metr hududni qamrab olgan. Taxminlarga ko‘ra, yong‘inga o‘chmay qolgan tamaki qoldig‘i sabab bo‘lgan.
Xabar berishlaricha, hozirgi vaqtga kelib olov to‘liq o‘chirilgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)