“O‘zbekiston havo yo‘llari” milliy aviakompaniyasining 30-avgust kuni Toshkentga yetib kelgan yangi — Boeing 787 Dreamliner samolyoti 5-sentabrdan ichki reyslarda qatnovlarni boshladi.
Avvalroq 5—6-sentabr kunlari yangi layneri “Toshkent — Urganch”, “Urganch — Buxoro”, “Buxoro — Toshkent” yo‘nalishlari bo‘ylab parvozlarni amalga oshirishi kutilayotgani haqida xabar berilgan edi.
FlightRadar24 ma’lumotiga ko‘ra, bort raqami UK78701 bo‘lgan layneri 5-sentabr kuni Urganchdan Toshkentga, so‘ng Urganchdan Buxoroga, yakunda Buxorodan Toshkentga parvoz qilgan. 6-sentabr hisobidan ham dastlabki ikki reys bajarilgan.
MyDay’ning yozishicha, Buxorogacha bo‘lgan chipta narxi salkam 447 ming so‘m, Urganchgacha bo‘lgan chipta qiymati esa 640 ming so‘mni tashkil etadi.
“O‘zbekiston havo yo‘llari” tomonidan e’lon qilingan jadvalga muvofiq, Dreamliner 7-sentabr kuni ilk bor Navoiyga, 9-sentabr kuni Nukusga uchadi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)