OAV: Turkiya-Suriya chegarasi IShIDdan ozod qilindi

Turkiya armiyasi Suriya ozodlik armiyasi ko‘magida Turkiya-Suriya chegarasini IShID jangarilaridan ozod etdi, deya xabar bermoqda “RBK”.

Anadolu agentligi o‘z manbalariga tayanib yozishicha, turkiyalik harbiylar tomonidan qo‘llab-quvvatlanayotgan isyonchilar Azaz shahrida Jarablus shahrigacha bo‘lgan hududni o‘z nazoratiga olgan.

“Suriya ozodlik armiyasi nazorati ostida bo‘lgan va Suriya hududi bo‘ylab uch kilometrdan besh kilometrgacha cho‘zilgan mintaqa paydo bo‘lishi bilan, IShIDning Turkiya chegarasi bilan aloqasi batamom uzildi”, — deyiladi xabarda.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.