Xitoy Xalq Respublikasi raisi Si Szinpin janubiy koreyalik hamkasbi Pak Kin Xe bilan suhbat chog‘ida AQSh raketaga qarshi mudofaa tizimi Janubiy Koreyaga joylashtirilishiga qarshi chiqdi, deb yozadi “RBK” “Sinxua” agentligiga tayanib.
“Ushbu muammo doirasidagi noto‘g‘ri xatti-harakatlar mintaqada barqarorlikni ta’minlamaydi va ixtilofni kuchaytirishi mumkin”, — dedi u.
Szinpin Xitoy Koreya yarim orolining yadrodan xoli qilinishi, yarim orolda tinchlik va barqarorlik o‘rnatilishi, shuningdek, muammolarning muzokaralar va maslahatlashuvlar yo‘li bilan hal qilinishi tarafdori ekanligini ta’kidladi.
THAAD raketaga qarshi mudofaa tizimini Koreya yarim oroliga joylashtirish haqidagi kelishuvga iyul oyi boshida erishilgan edi. THAAD katta balandliklardagi ballistik va boshqa raketalarni to‘xtatib qolishga mo‘ljallangan.
Izoh (0)