Туркия армияси Сурия озодлик армияси кўмагида Туркия-Сурия чегарасини ИШИД жангариларидан озод этди, дея хабар бермоқда «РБК».
Anadolu агентлиги ўз манбаларига таяниб ёзишича, туркиялик ҳарбийлар томонидан қўллаб-қувватланаётган исёнчилар Азаз шаҳрида Жараблус шаҳригача бўлган ҳудудни ўз назоратига олган.
«Сурия озодлик армияси назорати остида бўлган ва Сурия ҳудуди бўйлаб уч километрдан беш километргача чўзилган минтақа пайдо бўлиши билан, ИШИДнинг Туркия чегараси билан алоқаси батамом узилди», — дейилади хабарда.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)