Internetga AQShning Florida shtatidagi Kanaveral burnida joylashgan kosmodromda yuz bergan portlash videosi joylandi, deb yozadi “TASS”. Avvalroq Falcon 9 eltuvchi raketasini sinash chog‘ida ketma-ket portlashlar sodir bo‘lgan edi.
Raketa 3-sentabr kuni Facebook kompaniyasi foydalanishni rejalashtirgan Isroil sun’iy yo‘ldoshini orbitaga olib chiqishi kerak edi.
Majmua joylashgan hudud tegishli bo‘lgan Brevard okrugi favqulodda vaziyatlar boshqarmasi rasmiy vakili Don Uoker atrof-muhit va shtat aholisi uchun xavf yo‘qligini aytdi.
Uoker aniqlik kiritishicha, na NASA va na Space X kompaniyasi shtat hukumatiga yordam so‘rab murojaat qilgan. “Hodisani zudlik bilan to‘xtatishgan, deyish mumkin. Ularning o‘z o‘t o‘chiruvchilari bor, Jon Kennedi nomidagi kosmik markazda esa favqulodda vaziyatlar bo‘yicha xizmat ham bor, ular bizning ko‘magimizga muhtoj bo‘lmadi”, — dedi u.
“Bugungi standart sinovga tayyorgarlik vaqtida start maydonida anomaliya yuz berdi, natijada raketa va uning yuki nobud bo‘ldi, — deyiladi Space X bayonotida. — Oddiy amaliyotga muvofiq maydonda hech kim bo‘lmagan, hech kimga jabr yetmagan”.
https://youtu.be/_BgJEXQkjNQ
Izoh (0)