Интернетда Falcon 9 ракетасининг Канаверал бурнидаги портлаши акс этган видео пайдо бўлди (видео)

Интернетга АҚШнинг Флорида штатидаги Канаверал бурнида жойлашган космодромда юз берган портлаш видеоси жойланди, деб ёзади «ТАСС». Аввалроқ Falcon 9 элтувчи ракетасини синаш чоғида кетма-кет портлашлар содир бўлган эди.

Ракета 3 сентябрь куни Facebook компанияси фойдаланишни режалаштирган Исроил сунъий йўлдошини орбитага олиб чиқиши керак эди.

Мажмуа жойлашган ҳудуд тегишли бўлган Бревард  округи фавқулодда вазиятлар бошқармаси расмий вакили Дон Уокер атроф-муҳит ва штат аҳолиси учун хавф йўқлигини айтди.

Уокер аниқлик киритишича, на NASA ва на Space X компанияси штат ҳукуматига ёрдам сўраб мурожаат қилган. «Ҳодисани зудлик билан тўхтатишган, дейиш мумкин. Уларнинг ўз ўт ўчирувчилари бор, Жон Кеннеди номидаги космик марказда эса фавқулодда вазиятлар бўйича хизмат ҳам бор, улар бизнинг кўмагимизга муҳтож бўлмади», — деди у.

«Бугунги стандарт синовга тайёргарлик вақтида старт майдонида аномалия юз берди, натижада ракета ва унинг юки нобуд бўлди, — дейилади Space X баёнотида. — Оддий амалиётга мувофиқ майдонда ҳеч ким бўлмаган, ҳеч кимга жабр етмаган».

https://youtu.be/_BgJEXQkjNQ