Shimoliy Koreya yetakchisi Kim Chen In “Qutb yulduzi” ballistik raketasini ishlab chiqish va uchirishda ishtirok etgan olimlar, texnologlarni tabrikladi va alohida minnatdorlik ramzi sifatida ular bilan birga suratga tushdi. Bu haqda “TASS” xabar bermoqda.
Koreya markaziy telegraf agentligiga ko‘ra, “ular KXDRni mislsiz harbiy qudrat va raketalarga ega davlatga aylantirish bo‘yicha vazifalarini munosib ado etmoqda”. Fotosessiya ishtirokchilari “mutaxassislar bilan KXDRda kuchli strategik suvosti kemasi va ballistik raketasini yaratish masalalarini muhokama etish uchun sinov poligoniga 10 dan ortiq marotaba kelgan” yetakchilarini qizg‘in olqishladi.
Shimoliy Koreya tomonidan amalga oshirilgan oxirgi, 24-avgustdagi sinov chog‘ida Kim Chen In mamlakatning sharqiy qirg‘og‘ida ballistik raketa uchirilishini shaxsan kuzatgani bildirilmoqda.
Izoh (0)