AQSh rasmiylari 8 aviakompaniyaga shu yil kuzidan boshlab Kubaga doimiy reyslarni amalga oshirishga ruxsat berdi. Ular qatorida American Airlines, Delta Air Lines kabi yirik tuzilmalar bor. Bu haqda “TASS” xabar bermoqda.
JetBlue aviakompaniyasi 31-avgustdan 29-oktabrgacha haftasiga uch bor parvozlarni amalga oshiradi, 1-noyabrdan boshlab esa ular kunlikka aylanadi. Shuningdek, 1-sentabrdan Silver Airways Santa-Klara bilan aviaqatnovni yo‘lga qo‘yadi. American Airlines samolyotlari 7-sentabrdan Olgin va Syenfuegos, keyinchalik esa Kamaguey, Vilya-Klara hamda Matansas provinsiyalariga uchadi. Shundan so‘ng ikki davlat o‘rtasidagi har kungi reyslarning umumiy soni 11 taga yetadi.
Kuba poytaxti Gavanaga dekabr oyidan boshlab Atlanta, Nyu-York, Los-Anjeles va Xyuston aeroportlaridan uchish mumkin bo‘ladi.
Eslatib o‘tamiz, oldinroq JetBlue aviakompaniyasi 31-avgust, chorshanba kuni 55 yil mobaynida birinchi marta AQShdan Kubaga tijoriy aviareysni amalga oshirgani haqida xabar berilgandi.
Izoh (0)