Toshkentning Bunyodkor shoh ko‘chasi va Toshkent avtomobil halqa yo‘li kesishmasidagi yo‘l o‘tkazgichda Mercedes, Nexia va Matiz avtomobillari ishtirokida yo‘l-transport hodisasi yuz berdi. Bu haqda Facebook’dagi “Voditeli Tashkenta (Drivers.uz)” guruhida fotoxabar qoldirilgan.
Hodisa 30-avgust, seshanba kuni yuz bergan. Suratlarda Mercedes va Matiz’ning old tomoniga, Nexia’ning esa orqa yon tomoniga zarar yetganini ko‘rish mumkin. Hodisa oqibatida tan jarohati olib, jabrlanganlar haqida axborot yo‘q.
To‘qnashuv qanday yuz bergani ma’lum emas. Hodisa natijasida Mercedes qatnov qismiga nisbatan qarama-qarshi holatda turib qolgan, Nexia esa ko‘prik chetidagi to‘siqqa oldi bilan borib turib qolgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)