Amerikaning General Motors avtomobil kompaniyasi oyna tozalagich ishi uchun javob beradigan tizimda aniqlangan nuqsonlar tufayli 368 mingta avtomobilni chaqirib oladi. Bu haqda bosh qarorgohi Detroyt (Michigan shtati)da joylashgan avtogigant vakillariga tayanib, “TASS” xabar berdi.
Chaqirib olinadigan mashinalar — 2013-yilda chiqarilgan va Shimoliy Amerika bozorida sotilgan Chevrolet Equinox va GMC Terrain modellari. Ta’kidlanishicha, ushbu mashinalardagi oyna tozalagichlarning biriktiruvchi oshiq-moshiqlari zavoddan nuqson bilan chiqqani uchun, zanglashi mumkin, bu esa oyna tozalagichlar butunlay ishlamay qolishiga olib kelishi mumkin.
Nosozlik haqida o‘tgan yilning dekabridayoq ma’lum bo‘lgandi, ammo GM avtomobillarni chaqirib olishga endi qaror qildi. Kompaniyadagilar aniqlik kiritishicha, nosozlik bepul bartaraf qilinadi.
Izoh (0)