Chevrolet kompaniyasi yangilangan Colorado pikapini taqdim etdi, deb yozadi Motor. Model yangi olti silindrli benzinli dvigatel va sakkiz pog‘onali avtomatik uzatish qutisiga ega bo‘ldi.
Colorado’ning yangi motori avvalgidek 3,6 litr sig‘imli, ammo dvigateli kiritish va chiqarish vaqtida gazni taqsimlash fazalarini o‘zgartirish tizimining takomillashtirilgani, yoqilg‘ining to‘g‘ridan-to‘g‘ri yuborilishi yaxshilangani va yuk kam paytida silindrlarni deaktivatsiya qilish tizimining mavjudligi bilan farqlanadi.
Motor quvvati 308 ot kuchini tashkil qiladi, maksimal kuch momenti esa 373 Nm ga teng. Avvalgi 3,6 dvigatelda ushbu ko‘rsatkichlar 305 ot kuchi va 365 Nm ga teng edi.
2017-model yiliga tegishli yangilangan Colorado amerikalik dilerlarga to‘rtinchi chorakda yetib boradi. Hozirgi model narxlari 20,1 ming dollardan boshlanadi.
Izoh (0)