Toshkentdagi Nurafshon ko‘chasining yangi qurilgan bo‘lagida yo‘l-transport hodisalari yuz berdi. Bu haqda Facebook va Telegram’dagi o‘zbekistonlik haydovchilarning hamjamiyatlarida ma’lumot berilgan. Hodisalar 29-avgust, dushanba kuni yuz bergan.
Telegram’da paydo bo‘lgan suratda Nurafshon ko‘chasining “Tinchlik” metro bekatiga yaqin qismida ikki Matiz avtomobili ishtirokida avariya yuz berganini ko‘rish mumkin. Hodisa natijasida tan jarohati olib, jabrlanganlar haqida aniq ma’lumot yo‘q.
Facebook’dagi “Voditeli Tashkenta” guruhida e’lon qilingan fotosuratda Nurafshon ko‘chasining Chilonzor Oqtepa maydoniga yaqin joyida AZLK rusumli avtomobilning g‘ildiragi o‘qdan chiqib ketib, yo‘l o‘rtasida qolib ketganini ko‘rish mumkin.
Eslatib o‘tamiz, 29-avgust, dushanba kunidan boshlab Toshkentda Nurafshon ko‘chasining yangi qurilgan bo‘lagi avtomobillar harakati uchun ochilgan edi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)