Moskvada avtomobilining soyasi tufayli jazoga tortilgan haydovchining jarimasi bekor qilinadi

Moskva yo‘l harakati xavfsizligi inspeksiyasi haydovchiga nisbatan fotovideofiksatsiya kamerasi uning avtomobili soyasi yaxlit chiziqni kesib o‘tgani uchun belgilagan jarimani bekor qiladi, deya xabar bermoqda “Gazeta.ru”.

“Yo‘l harakati qoidalarining soya tomonidan buzilishi fotovideofiksatsiya majmuasi ishidagi nosozlik bilan bog‘liq. Avtomobil egasiga nisbatan chiqarilgan qaror bekor qilinadi”, — dedi inspeksiya vakili.

Inspeksiya vakilining qo‘shimcha qilishicha, soya bilan bog‘liq bunday holat Moskvada birinchi bor qayd etilgan.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.