Buxoro shahri markazidagi chorrahalardan birida yuz bergan yo‘l-transport hodisasi oqibatida Damas ag‘darilib ketdi. Bu haqda Facebook’dagi “Voditeli Tashkenta (Drivers.uz)” guruhida videoxabar qoldirilgan.
Videoda Nexia avtomobili qarama-qarshi qatnov qismidan kelayotgan Damas mashinasiga yo‘l bermay, uni turtib yuborganini ko‘rish mumkin. Oqibatda Damas haydovchisi boshqaruvni yo‘qotib, yo‘l o‘rtasidagi bordyur ustidan o‘tgan va yo‘lning u tomonidan turgan Lacetti’ga urilgan.
Bu hodisa aynan qachon, Buxoro shahrining aynan qaysi chorrahasida yuz berganiga aniqlik kiritilmagan. Hodisa oqibatida tan jarohati olib, jabrlanganlar haqida aniq axborot yo‘q.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)