Chevrolet компанияси янгиланган Colorado пикапини тақдим этди, деб ёзади Motor. Модель янги олти цилиндрли бензинли двигатель ва саккиз поғонали автоматик узатиш қутисига эга бўлди.
Colorado’нинг янги мотори аввалгидек 3,6 литр сиғимли, аммо двигатели киритиш ва чиқариш вақтида газни тақсимлаш фазаларини ўзгартириш тизимининг такомиллаштирилгани, ёқилғининг тўғридан-тўғри юборилиши яхшилангани ва юк кам пайтида цилиндрларни деактивация қилиш тизимининг мавжудлиги билан фарқланади.
Motor қуввати 308 от кучини ташкил қилади, максимал куч моменти эса 373 Нм га тенг. Аввалги 3,6 двигателда ушбу кўрсаткичлар 305 от кучи ва 365 Нм га тенг эди.
2017-модель йилига тегишли янгиланган Colorado америкалик дилерларга тўртинчи чоракда етиб боради. Ҳозирги модель нархлари 20,1 минг доллардан бошланади.
Изоҳ (0)