AQSh va Yevroittifoq o‘rtasida Transatlantika erkin savdo hududini (TTIP) tuzish bo‘yicha muzokaralar barbod bo‘ldi. Bu haqda Germaniya vitse-kansleri, iqtisod va energetika vaziri Zigmar Gabriel ma’lum qildi, deya xabar beradi “TASS”.
“Fikrimcha, AQSh bilan muzokaralarni, garchi hech kim buni payqamagan bo‘lsa-da, yo‘qqa chiqdi, deb hisoblasa bo‘ladi. 14 raundga cho‘zilgan muzokaralar yakuni bo‘yicha rejalashtirilgan kelishuv o‘z ichiga olgan 27 bobdan birortasining ma’qullangan matni shakllantirilmadi”, — deya ta’kidladi Gabriel.
Ayni paytda vitse-kansler Kanada bilan shunga o‘xshash kelishuvni (CETA) himoya qilib chiqdi. Unga ko‘ra, ikki kelishuv ko‘pincha adashtiriladi va bir-biridan farqlanmaydi.
Ma’lumot uchun, 17-sentabr kuni Germaniyaning bir qator shaharlarida TTIP va CETA kelishuvlari imzolanishiga qarshi norozilik namoyishlari o‘tkazilishi mo‘ljallangan.
Izoh (0)