AQSh dengiz piyodalari bo‘linmasining ikki harbiy xizmatchisi geografik nomlardagi xatolik tufayli Yevropada adashib qoldi, deya xabar bermoqda Deutsche Wirtschafts Nachrichten.
Nashr ma’lumotlariga ko‘ra, dengiz piyodalari Germaniyadagi Ramshtayn bazasida tayyorgarlikni yakunlagach, o‘tgan hafta sayohatga chiqishga qaror qilgan. Ilk manzillardan biri sifatida ular Vaduts — G‘arbiy Yevropadagi Lixtenshteyn (Liechtenstein) knyazligi poytaxtini tanladi.
Ammo harbiy xizmatchilar adashib, Germaniyaning Saksoniya federal o‘lkasidagi Lixtenshteyn (Lichtenstein) shahriga keldi, uning nomi lotin alifbosida Lixtenshteyn knyazligidan bitta harfga farq qiladi.
Adashganini tushungach, dengiz piyodalari mahalliy qo‘g‘irchoqlar va o‘yinchoqlar muzeyiga kirdi va uning xo‘jayinidan o‘zlariga kerak bo‘lgan Lixtenshteynga qanday borish mumkinligini so‘radi. Shunda amerikaliklar o‘z nishonlaridan 600 km shimoli-sharqroqqa borib qolgani ma’lum bo‘ldi.
Izoh (0)