10-sentabr kuni Kolumbiyada start oladigan futzal bo‘yicha Jahon Chempionatiga tayyorgarlik ko‘rayotgan Eron va O‘zbekiston terma jamoalari o‘zaro o‘rtoqlik o‘yinida maydonga tushdi, deb xabar berdi O‘FF matbuot xizmati.
Eronda bo‘lib o‘tgan bellashuvda Osiyoning amaldagi chempioni amaldagi vitse-chempion ustidan 3:0 hisobida zafar quchdi. Uchrashuvning birinchi bo‘limida hisob ochilmagandi.
Ikkinchi o‘rtoqlik o‘yini bugun — 29-avgust kuni bo‘lib o‘tadi. Shundan keyin Xose Mariya Mendes boshchilik qilayotgan O‘zbekiston futzal terma jamoasi Portugaliyaga yo‘l oladi.
JCh—2016 da O‘zbekiston termasi Panama, Portugaliya va Kolumbiya bilan bir guruhdan joy olgan. Eronga esa o‘z guruhida Ispaniya, Marokash, Ozarbayjon termalari qarshilik qiladi.
O‘rtoqlik uchrashuvi Mashhad, Eron 28-avgust, yakshanba
Eron — O‘zbekiston 3:0
Gollar: Farhod Tavakkoliy, 24 (1:0). Muhammad Tohiriy, 31 (2:0). Muhammad Keshovarz, 34 (3:0).Chetlatishlar: Ahmad Ismoilpur — Javlon Anorov, Konstantin Sviridov, Farhod Abdumavlonov.Eron: Alirizo Samimiy, Sapehr Muhammadiy — Javod Isfandiyoriy, Muhammad Keshovarz, Hamid Ahmadiy, Farhod Tavakkoliy, Said Afshor, Muhammad Rizo Sangsefidiy, Qudrat Bahodiriy, Ahmad Ismoilpur, Afshin Kozimiy, Muhammad Tohiriy, Mehran Alixadr, Said Abbosiy, Mahdiy Jovid, Hussayn Toyibiy, Behruz Ja’fariy, Muhammad Shojariy.
O‘zbekiston: Rustam Umarov, Akmal Hazratqulov —Nodir Eliboyev, Artur Yunusov, Konstantin Sviridov, Javlon Anorov, Dilshod Rahmatov, Dilshod Irsaliyev, Farhod Abdumavlonov, Feruz Fahriddinov, Shuhrat Tojiboyev, Davron Choriyev, Mashrab Odilov, Ilhom Hamroyev.
Izoh (0)