Yaqinda o‘tkaziladigan Paralimpiya o‘yinlari sharafiga Vogue jurnalining Braziliyadagi versiyasi mahalliy paralimpiya sportchilari — Renato Leyti va Bruna Aleksandre ishtirokidagi kampaniyani ishga tushirdi, ammo ularning o‘rniga suratlarda fotoshopda o‘zgartirilgan professional modellardan foydalandi, deb yozadi TJournal.
Fotoshop yordamida modellarning qo‘l va oyog‘i amputatsiya qilindi. Sportchilarning o‘zlari fotosessiyada ishtirok etdi va ularga nisbatan hech qanday e’tiroz bildirmadi.
Ammo Braziliya Vogue’ining g‘oyasi ham internet foydalanuvchilari, ham paralimpiya harakati a’zolari tanqidiga uchradi.
“…Vogue paralimpiya fotosessiyasi uchun oddiy modellardan foydalangani sababini tushunish qiyin. Bunday odamlar shundoq ham yirik OAVlarning e’tiboriga kamdan-kam tushadi”, — dedi Britaniya nogironlar fondi xodimi Richard Leyn.
Vogue jurnalining o‘zi aniqlik kiritishicha, reklama kampaniyasi “Barchamiz” deb nomlanib, hamma odamlar imkoniyatlari bo‘yicha tengligini va shunga muvofiq, ular paralimpiyachilar ekanligini nazarda tutadi. Nashr o‘z fotosessiyasi orqali aynan shuni ko‘rsatmoqchi bo‘lgan.
Izoh (0)