10 сентябрь куни Колумбияда старт оладиган футзал бўйича Жаҳон Чемпионатига тайёргарлик кўраётган Эрон ва Ўзбекистон терма жамоалари ўзаро ўртоқлик ўйинида майдонга тушди, деб хабар берди ЎФФ матбуот хизмати.
Эронда бўлиб ўтган беллашувда Осиёнинг амалдаги чемпиони амалдаги вице-чемпион устидан 3:0 ҳисобида зафар қучди. Учрашувнинг биринчи бўлимида ҳисоб очилмаганди.
Иккинчи ўртоқлик ўйини бугун — 29 август куни бўлиб ўтади. Шундан кейин Хосе Мария Мендес бошчилик қилаётган Ўзбекистон футзал терма жамоаси Португалияга йўл олади.
ЖЧ—2016 да Ўзбекистон термаси Панама, Португалия ва Колумбия билан бир гуруҳдан жой олган. Эронга эса ўз гуруҳида Испания, Марокаш, Озарбайжон термалари қаршилик қилади.
Ўртоқлик учрашуви Машҳад, Эрон 28 август, якшанба
Эрон — Ўзбекистон 3:0
Голлар: Фарҳод Тавакколий, 24 (1:0). Муҳаммад Тоҳирий, 31 (2:0). Муҳаммад Кешоварз, 34 (3:0).Четлатишлар: Аҳмад Исмоилпур — Жавлон Аноров, Константин Свиридов, Фарҳод Абдумавлонов.Эрон: Алиризо Самимий, Сапеҳр Муҳаммадий — Жавод Исфандиёрий, Муҳаммад Кешоварз, Ҳамид Аҳмадий, Фарҳод Тавакколий, Саид Афшор, Муҳаммад Ризо Сангсефидий, Қудрат Баҳодирий, Аҳмад Исмоилпур, Афшин Козимий, Муҳаммад Тоҳирий, Меҳран Алихадр, Саид Аббосий, Маҳдий Жовид, Ҳуссайн Тойибий, Беҳруз Жаъфарий, Муҳаммад Шожарий.
Ўзбекистон: Рустам Умаров, Акмал Ҳазратқулов —Нодир Элибоев, Артур Юнусов, Константин Свиридов, Жавлон Аноров, Дилшод Раҳматов, Дилшод Ирсалиев, Фарҳод Абдумавлонов, Феруз Фаҳриддинов, Шуҳрат Тожибоев, Даврон Чориев, Машраб Одилов, Илҳом Ҳамроев.
Изоҳ (0)