Rossiya tashqi ishlar vazirligi rossiyalik paralimpiyachilarni Rio-de-Janeyrodagi O‘yinlardan chetlashtirish haqidagi qarorni “sharmandali tarix va jinoyat” deb hisoblaydi, deb yozadi “RBK” TIV rasmiy vakili Mariya Zaxarovaga tayanib.
“Ushbu ism-shariflar shubhasiz tarixga, sharmandali tarixga bitiladi. Chunki bugun jinoyat sodir bo‘ldi”, — dedi Zaxarova. Uning fikricha, bunday qarorni qabul qilganlarga “farqi yo‘q”. Zaxarova ular paralimpiyachilarning dopingga aloqasi yo‘qligini bilaturib ushbu qarorni qabul qilgani uchun, “hech narsadan tap tortmaydigan” odamlar ekanligini aytdi. “Ular yuraksiz odamlar”, — deya ta’kidladi u.
Avvalroq rossiyalik sportchi Yelena Isinbayeva rossiyalik sportchilarning Rio-de-Janeyrodagi Paralimpiya o‘yinlaridan chetlashtirilishini shafqatsizlik deb atagandi.
Eslatib o‘tamiz, Sport arbitraj sudi (CAS) Xalqaro paralimpiya qo‘mitasining rossiyaliklarga nisbatan qo‘llagan qaroriga apellyatsiyasini qoniqtirmadi hamda Rossiya termasiga 7–18-sentabr kunlari Rio-de-Janeyroda bo‘lib o‘tadigan Paralimpiya o‘yinlarida ishtirok etishga ruxsat bermadi.
Izoh (0)