Eron sentabrda ishlab chiqaruvchilar bilan qazib olishni muzlatish bo‘yicha kelishuvga erishilishini shubha ostiga olgani neft narxi pasayishiga sabab bo‘lmoqda. Mamlakat bunday kelishuvni tuzishdan avval boshqa davlatlar uning bozordagi ulushini sanksiyalargacha bo‘lgan darajaga yetkazish huquqini tan olishini istamoqda. Bu haqda Eron neft vaziri Bijon Nomdor Zanganex ma’lum qildi, deya xabar beradi “Interfaks”.
Aynan Eronning tutgan yo‘li va Saudiya Arabistoni bilan bu boradagi farqli qarashlari shu yil bahorida qazib olishni muzlatish yuzasidan muzokaralar barbod bo‘lishiga olib kelgandi.
Londonning ICE Futures birjasida oktabrda yetkazib beriladigan Brent turidagi neft narxi 29-avgust, soat 10:00 da 1,2 foizga pasayib, bir barreli 49,34 dollarni tashkil etdi. Nyu-York tovar birjasida (NYMEX) oktabrda yetkaziladigan WTI turidagi neft 1,4 foizga pasaydi va bir barreli uchun 46,98 dollardan iborat bo‘ldi.
Izoh (0)