Facebook yangiliklarni tanlashdagi noxolislik haqidagi ayblovlardan so‘ng buni bajarishni robotlarga topshirdi

Facebook yangiliklarni tanlashda noxolislikka yo‘l qo‘yilayotganligi haqidagi ayblovlardan so‘ng Trending (“Ommalashgan yangiliklar”) ruknini o‘zgartirdi. Kompaniya matbuot xizmatiga ko‘ra, rukn yanada avtomatlashtirilgan, deya xabar beradi “RBK”. 

Endi Facebook yangiliklarni tanlash va aks ettirishni robotlarga topshiradi, shuningdek, foydalanuvchilar mazkur xabarlarni muhokama etayotgan odamlar sonini ko‘rib turadi. Kompaniya ushbu ruknni imkon boricha ko‘proq kishilar uchun qulay bo‘lishini mo‘ljallagani va avtomatlashtirilmagan taqdirda buning qiyin kechishini bildirgan. 

Shu yil may oyida AQShda Facebook sobiq xodimlari ijtimoiy tarmoq liberal ruhdagi yangiliklarni sun’iy ravishda ilgari surayotgani haqida hikoya qilgandi. Shundan so‘ng kompaniyaga nisbatan OAVlarda tanqid yog‘ilib ketdi.