Facebook янгиликларни танлашда нохолисликка йўл қўйилаётганлиги ҳақидаги айбловлардан сўнг Trending («Оммалашган янгиликлар») рукнини ўзгартирди. Компания матбуот хизматига кўра, рукн янада автоматлаштирилган, дея хабар беради «РБК».
Энди Facebook янгиликларни танлаш ва акс эттиришни роботларга топширади, шунингдек, фойдаланувчилар мазкур хабарларни муҳокама этаётган одамлар сонини кўриб туради. Компания ушбу рукнни имкон борича кўпроқ кишилар учун қулай бўлишини мўлжаллагани ва автоматлаштирилмаган тақдирда бунинг қийин кечишини билдирган.
Шу йил май ойида АҚШда Facebook собиқ ходимлари ижтимоий тармоқ либерал руҳдаги янгиликларни сунъий равишда илгари сураётгани ҳақида ҳикоя қилганди. Шундан сўнг компанияга нисбатан ОАВларда танқид ёғилиб кетди.
Изоҳ (0)