O‘zbekistonda kuchli akkumulyator batareyasiga ega Huawei Y6 Pro smartfoni sotila boshladi, deb yozadi “Mobinfo.uz”. Unga 4000 mA/soat sig‘imli batareya o‘rnatilgan. Bundan tashqari, smartfon tashqi akkumulyator vazifasini bajarish funksiyasiga ega, shuningdek, unda tezkor zaryad olish texnologiyasi bor.
Huawei Y6 Pro 5 dyuymli va 1280×720 pikselli IPS-displey, to‘rt yadroli MediaTek MT 6735 protsessori, 2 Gb tezkor va 16 Gb ichki xotira (+128 gigabaytgacha microSD), 13 megapikselli asosiy va 5 megapikselli old kameraga ega.
Katta sig‘imli akkumulyator tufayli, qurilma korpusining qalinligi 9,7 millimetrni, og‘irligi esa 160 grammni tashkil etadi. Smartfonga ikkita SIM-karta o‘rnatish mumkin.
Smartfon Emotion UI 3.1 Lite qobiqli Android 5.1 Lollipop boshqaruvida ishlaydi.
Toshkentdagi “Fleshka” (“Malika”) savdo majmuasida Huawei Y6 Pro 1 365 000 so‘mdan sotilmoqda.
Ushbu qurilmani ko‘rsatilgan narxda sotib olishga “Daryo” nashri kafolat bermaydi. Qurilma va uning narxi haqidagi axborot faqat tanishish uchun taqdim etilgan.
Izoh (0)