Август ойи охирида Ўзбекистоннинг барча ҳудудларида шамолнинг тезлиги кучайиши кутилмоқда. Бу ҳақда «Ўзгидромет» маркази хабар бермоқда.
«Ўзгидромет» ахборотига кўра, 30 августгача мамлакат бўйлаб шамол одатий — сониясига 7—12 метр тезликда эсиши кутилмоқда. 30 август куни эса бутун мамлакат бўйлаб, хусусан, тоғли ҳудудларда ҳам шамолнинг тезлиги сониясига 15—20 метргача кучайиши мумкин.
Қайд этиш жоиз, сўнгги бир неча кундан бери асосан Қорақалпоғистон Республикаси ва Хоразм вилоятида нисбатан кучли шамоллар кузатилаётган эди.
Айни вақтда, ой охирида ҳаво ҳароратида жиддий ўзгариш бўлмайди — +36...+38 даража иссиқ атрофидаги қуруқ иқлим шароити сақланиб қолади.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)