Luisvillda (AQSh, Kentukki shtati) 19-avgust, juma kuni afsonaviy bokschi Muhammad Alining sportdagi faoliyati boshlanishiga turtki bo‘lgan velosiped o‘g‘irlab ketildi. Bu haqda Spolding universiteti ma’muriyati ma’lum qildi, deya xabar beradi “TASS”.
“Muhammad Alining xotirasiga ehtirom belgisi yo‘qoldi. Iltimos, universitetimiz markazi peshayvonida osilib turgan qizil rangdagi velosipedni topishda yordam bering”, — deyiladi o‘quv yurti murojaatida.
O‘z vaqtida hozir universitet markazi joylashgan binoda Ali 12 yoshida ilk bor boks qo‘lqopini kiygan sport zali joylashgandi.
“U o‘z velosipedini tashqarida qoldirgan, keyin uni kimdir o‘g‘irlab ketadi. Shunda Ali ichkariga kirib, o‘g‘rini ta’zirini berish bilan tahdid qiladi. U politsiya zobiti Jo Martinga duch keladi. Martin bolakayga agar u kimnidir esini kiritib qo‘ymoqchi bo‘lsa, boksni o‘rganishi kerakligini uqtiradi”, — deya hikoya qiladi universiteti rektori Tori Merden Makklur.
Izoh (0)