Riodagi Olimpiada muxlislarga ham, sportchilarga ham yoqimli lahzalarni ulashishda davom etmoqda. Medalni qo‘lga kiritsang — bir xursandchiliging o‘nta bo‘ladi, biroq medalsiz ham quvonish, boshqalarni quvontirish, quvonchini ulashish mumkin. Bunda bir ishora — qo‘llar yordamida “yasaladigan” yurak belgisi yordamga keladi.
Germaniyalik disk uloqtiruvchi Kristof Xarting shu vaqtgacha Yevropa va jahon chempionatlarida ishtirok etib, hatto 3-o‘rinni ham egallamagan edi. Rio Olimpiadasida esa 26 yoshli sportchi oltin medal sohibiga aylandi.
Uzoq masofalarga yugurish bo‘yicha Yevropa va jahon miqyosida ko‘plab rekordlarni o‘rnatgan Muhammad Farah Rioda 10 ming metr masofaga yugurish musobaqalarida oltinni qo‘lga kiritdi va “yurak” bilan o‘z minnatdorchiligini izhor qildi.
Chxan Xe Djin — Janubiy Koreyaning Riodagi olti oltin medalidan ikkitasining egasi. U nafaqat kamondan o‘q uzishni, balki o‘z muxlisu vatandoshlariga mehrini izhor qilishni ham zo‘r chiroy bilan amalga oshiradi.
Oksana. Bizning Oksana. Unga biroz omad yetishmadi, xolos. Lekin Riodagi O‘yinlarning eng taniqli, eng hayratlanarli, eng afsonaviy sportchilaridan biri aynan u, aynan bizning Oksana bo‘ldi.
Izoh (0)