Луисвиллда (АҚШ, Кентукки штати) 19 август, жума куни афсонавий боксчи Муҳаммад Алининг спортдаги фаолияти бошланишига туртки бўлган велосипед ўғирлаб кетилди. Бу ҳақда Сполдинг университети маъмурияти маълум қилди, дея хабар беради «ТАСС».
«Муҳаммад Алининг хотирасига эҳтиром белгиси йўқолди. Илтимос, университетимиз маркази пешайвонида осилиб турган қизил рангдаги велосипедни топишда ёрдам беринг», — дейилади ўқув юрти мурожаатида.
Ўз вақтида ҳозир университет маркази жойлашган бинода Али 12 ёшида илк бор бокс қўлқопини кийган спорт зали жойлашганди.
«У ўз велосипедини ташқарида қолдирган, кейин уни кимдир ўғирлаб кетади. Шунда Али ичкарига кириб, ўғрини таъзирини бериш билан таҳдид қилади. У полиция зобити Жо Мартинга дуч келади. Мартин болакайга агар у кимнидир эсини киритиб қўймоқчи бўлса, боксни ўрганиши кераклигини уқтиради», — дея ҳикоя қилади университети ректори Тори Мерден Макклур.
Изоҳ (0)