Nike kompaniyasi cheklovlar shartli ekanligi va inson irodasi g‘alabasiga bag‘ishlangan yangi videorolikni (Nike: Unlimited Will) tayyorladi. Unda amerikalik sportchi Kayl Meynard suratga tushdi, deya ma’lum qildi TJournal.
Meynard qo‘l-oyoqsiz tug‘ilgan, biroq bolaligidan sport, jumladan, uning jangovar turlari bilan shug‘ullandi. 2007-yilda u “10 nafar eng nufuzli yosh amerikalik” ro‘yxatiga kiritildi, ikki yildan so‘ng esa Meynard rasman qoidasiz janglar ishtirokchilari qatoridan o‘rin oldi. U, shuningdek, taniqli ma’ruzachi va Kilimanjaro tog‘iga ko‘tarilgan ilk qo‘l-oyoqsiz inson hisoblanadi.
Mazkur rolik kompaniyaning cheklovlar shartli ekanligi haqidagi turkum videolaridan navbatdagisi bo‘ldi. Ushbu turkumdagi Nike: Unlimited You nomli avvalgi reklama ikki hafta mobaynida YouTube’da 33 million marotaba ko‘rilgandi.
Izoh (0)