Funt sterlingning yevroga nisbatan kursi 11-avgust, payshanba kuni 2013-yil avgustdan buyon eng past ko‘rsatkichga tushib qoldi, deb yozadi “Vedomosti”.
MarketWatch ta’kidlashicha, bunga Buyuk Britaniyaning Yevropa ittifoqidan chiqishi (Brexit) mamlakat iqtisodiyotida salbiy oqibatlarga olib kelishi va Angliya banki ko‘radigan choralardan xavfsirash sabab bo‘ldi. 20:10 holatiga ko‘ra, funtning yevroga nisbatan kursi 0,4 foizga — bir yevro uchun 86,23 pensgacha tushib ketdi.
Yaqinda chiqarilgan statistik ma’lumotlar referendum natijalari Britaniya iqtisodiyotiga ta’sir qilganini ko‘rsata boshladi. Xususan, iyunda uy-joy savdosining tushib ketishi 2008-yildan buyon eng sezilarli darajaga yetdi, uy-joy narxining oshishi esa uch yil ichidagi eng past ko‘rsatkichga tushib qoldi.
Iqtisodiyotda prognoz qilinayotgan sekinlashuvga javoban, Angliya banki keng ko‘lamdagi stimulyatsiya dasturini e’lon qildi, u baza stavkasini 0,25 foizgacha pasaytirish, 60 milliard funtlik davlat bondlarini sotib olish va banklarga arzon kreditlar taqdim etishni o‘z ichiga oladi.
Izoh (0)