Brent nefti narxi barreliga 46 dollardan oshdi
2016-yil oktabrida yetkazib beriladigan Brent markasidagi neft narxi Londondagi ICE birjasida 4,9 foizga — barreliga 46,2 dollargacha o‘sdi, deb yozadi “TASS” savdo ma’lumotlariga tayanib. Nashr ta’kidlashicha, Brent kotirovkalari 22-iyuldan buyon birinchi marta barreliga 46 dollardan oshdi.
Brent nefti, Xalqaro energetika agentligi (XEA)ning 2017-yilda neftga bo‘lgan xalqaro talab o‘sishi bo‘yicha prognozi pasayganiga qaramay, qimmatlashdi. Xususan, XEA avgustdagi ma’ruzasida ushbu talab prognozini sutkasiga 100 ming barrelga kamaytirdi, iyuldagi prognozda bu ko‘rsatkich sutkasiga 1,2 million barrelga teng edi.
Agentlik prognoz qilishicha, 2017-yilda jahon talabi hajmi sutkasiga 97,5 million barrelni tashkil qiladi. Shu bilan birga, XEAning 2016-yildagi neftga bo‘lgan jahon talabi bo‘yicha prognozi sutkasiga 96,3 million barrel darajasida saqlanib qoldi, bu 2015-yildagidan 1,4 million barrelga oshiqroq demakdir.
