Yevropaga yetkazib beriladigan Rossiya tabiiy gazining narxi 2014-yil oxiridan buyon birinchi marta o‘sa boshladi, deya xabar bermoqda “RBK” Xalqaro valyuta fondi ma’lumotlariga tayanib.
2016-yil iyulida Rossiya gazining Germaniya bilan chegaradagi bir oylik o‘rtacha narxi 1 million Britaniya issiqlik birligi uchun 4,30 dollarni tashkil qildi. May oyida ketma-ket 17 oydan buyon pasayib kelgan ushbu ko‘rsatkich 12 yillik minimumga tushib qoldi (3,99 dollar), iyunda esa ramziy tarzda ko‘tarildi (4,04 dollargacha).
Germaniya bilan chegaradagi Rossiya gazi qimmatlasha boshlagan bir paytda Yevropa bozoridagi raqobatchi gaz, aksincha, arzonlashmoqda. So‘nggi oy ichida (7-iyuldan) funt sterlingda kotirovka qilinadigan gaz fyucherslari narxi 12,5 foizga pasaydi va bugunga kelib, 1 million Britaniya issiqlik birligi uchun 4,3 dollardan pasaydi.
Izoh (0)