Европага етказиб бериладиган Россия табиий газининг нархи 2014 йил охиридан буён биринчи марта ўса бошлади, дея хабар бермоқда «РБК» Халқаро валюта фонди маълумотларига таяниб.
2016 йил июлида Россия газининг Германия билан чегарадаги бир ойлик ўртача нархи 1 миллион Британия иссиқлик бирлиги учун 4,30 долларни ташкил қилди. Май ойида кетма-кет 17 ойдан буён пасайиб келган ушбу кўрсаткич 12 йиллик минимумга тушиб қолди (3,99 доллар), июнда эса рамзий тарзда кўтарилди (4,04 долларгача).
Германия билан чегарадаги Россия гази қимматлаша бошлаган бир пайтда Европа бозоридаги рақобатчи газ, аксинча, арзонлашмоқда. Сўнгги ой ичида (7 июлдан) фунт стерлингда котировка қилинадиган газ фьючерслари нархи 12,5 фоизга пасайди ва бугунга келиб, 1 миллион Британия иссиқлик бирлиги учун 4,3 доллардан пасайди.
Изоҳ (0)