Berklidagi Kaliforniya universiteti rektori Nikolas Dyorks talabalarning ommaviy namoyishlari chog‘ida qochish uchun zaxira chiqish joyini qurdirdi. Uning barpo etilishi o‘quv yurtiga 9 ming dollarga tushdi, deya xabar beradi Tjournal.
Universitet ma’muriyati binosidagi favqulodda chiqish joyi iyulda paydo bo‘ldi. Uning o‘rnatilishiga 2015-yil aprelida talabalar rektor ofisi yaqinida o‘tirgan holda norozilik namoyishi uyushtirgani sabab bo‘ldi. O‘z navbatida, universitet talabalari assotsiatsiyasi rektorning xatti-harakatini tanqid qilib, o‘quv yurtida norozilik namoyishlari uzoq tarixga ega bo‘lsa-da, ular biror marotaba zo‘ravonlik bilan tugamaganini eslatib o‘tdi.
O‘quv yurti vakillariga ko‘ra, chiqish joyi rektor emas, xodimlar iltimosiga binoan tashkil etildi va gap bor-yo‘g‘i oddiy zaxira eshigi haqida ketmoqda.
Izoh (0)