Polshaning Chenstoxova shahri prokuraturasi 46 yoshli rossiyalikka nisbatan Polsha Havo kodeksida nazarda tutilgan talablarni buzganlik bo‘yicha ayblov e’lon qildi. Bu haqda “Yevropeyskaya pravda” xabar bermoqda.
29-iyul kuni rossiyalik uchuvchi boshqaruvida Chexiyaning Moravska-Trshebova shahridan Polshaning Radom shahriga uchib ketayotgan yengil motorli samolyotni Polsha harbiy havo kuchlariga tegishli F-16 qiruvchi samolyotlarini tutib qolgan edi.
Qayd etishlaricha, rossiyalik uchuvchi Jahon yoshlar kuni munosabati bilan parvozlar cheklangan hududga kirib borib, havo qonunchiligini buzgan, bundan tashqari, parvoz rejasini taqdim etmagan.
Rossiya fuqarosi gumonlanuvchi sifatida so‘roq qilingan va o‘ziga qo‘yilgan ayblovni tan olmagan. Ayni vaqtda, unga nisbatan hukm chiqarish va 9 ming zlotiy (taxminan 2,3 ming dollar) miqdorida jarima solishni so‘rab, talabnoma bergan.
Xabar berishlaricha, Radomdagi samolyot sporti bo‘yicha jahon chempionatida qatnashayotgan rossiyalikni hech kim hibsga olmagan, u istalgan vaqtda Polshani tark etishi mumkin. Sud mahkamasi uning ishtirokisiz ham o‘tkazilishi mumkin.
Polsha qonunchiligiga ko‘ra, agar rossiyalik uchuvchi aybdor deb topilsa, besh yilga ozodlikdan mahrum etilishi mumkin. Ayni vaqtda bu jazo turini jarima bilan almashtirish ham mumkin.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)