Disney kompaniyasi bolalar uchun Disney Mix messenjerini chiqardi, deya xabar bermoqda “RBK”. Dastur bolalar va oila davrasi uchun mo‘ljallangan bo‘lib, WhatsApp, Facebook va Snapchat’ning xavfsiz muqobili bo‘lishi ko‘zda tutilgan.
U kengaytirilgan funksiyalarga ega bo‘ladi. U orqali nafaqat xabar yozishish mumkin, balki o‘yinlar o‘ynash, memlar yaratish va stikerlar bilan ayirboshlash ham mumkin.
Messenjerga ulanganda, foydalanuvchi servis qoidalariga roziligini bildirishi kerak. Ular shaxsiy ma’lumotlarning begona odamlarga jo‘natilishiga, shuningdek, haqorat va axloqsiz jumlalardan foydalanishga yo‘l qo‘ymaydi. Ushbu qoidalarni buzganlar servisdan foydalanishdan vaqtinchalik yoki butunlay chetlatilishi mumkin.
Disney Mix 4—14 yoshli bolalarga mo‘ljallangan. Foydalanuvchilar do‘stlari ro‘yxatiga Disney Channel, Disney XD va Disney Movies akkauntlarini qo‘shib qo‘yishi, u yerdan fotosuratlar, videoroliklar va yangiliklar qabul qilishi mumkin.
Messenjerda interaktiv o‘yinlar, fotosurat va videolar bilan ayirboshlash funksiyalari mavjud.
Izoh (0)