Disney компанияси болалар учун Disney Mix мессенжерини чиқарди, дея хабар бермоқда «РБК». Дастур болалар ва оила давраси учун мўлжалланган бўлиб, WhatsApp, Facebook ва Snapchat’нинг хавфсиз муқобили бўлиши кўзда тутилган.
У кенгайтирилган функцияларга эга бўлади. У орқали нафақат хабар ёзишиш мумкин, балки ўйинлар ўйнаш, мемлар яратиш ва стикерлар билан айирбошлаш ҳам мумкин.
Мессенжерга уланганда, фойдаланувчи сервис қоидаларига розилигини билдириши керак. Улар шахсий маълумотларнинг бегона одамларга жўнатилишига, шунингдек, ҳақорат ва ахлоқсиз жумлалардан фойдаланишга йўл қўймайди. Ушбу қоидаларни бузганлар сервисдан фойдаланишдан вақтинчалик ёки бутунлай четлатилиши мумкин.
Disney Mix 4—14 ёшли болаларга мўлжалланган. Фойдаланувчилар дўстлари рўйхатига Disney Channel, Disney XD ва Disney Movies аккаунтларини қўшиб қўйиши, у ердан фотосуратлар, видеороликлар ва янгиликлар қабул қилиши мумкин.
Мессенжерда интерактив ўйинлар, фотосурат ва видеолар билан айирбошлаш функциялари мавжуд.
Изоҳ (0)