Indoneziya politsiyasi Singapurga terrorchilik hujumini tayyorlashda gumon qilinayotgan jangarilarni hibsga oldi, deya xabar bermoqda Reuters.
Operatsiya mamlakat shimolidagi Batam orolida bo‘lib o‘tdi. Huquq-tartibot organlari ma’lumotlariga ko‘ra, qo‘lga olingan jangarilarning olti nafari gavjum joylarda ketma-ket teraktlar uyushtirish va politsiya uchastkalariga hujum qilishni rejalashtirgan. Operatsiya suriyalik jangarilar tomonidan ishlab chiqilgan va nazorat qilingan, gumonlanuvchilar ular bilan IShID maslagiga qo‘shilgan indoneziyalik Baxrun Naim orqali aloqa qilgan.
Singapur hukumati ehtimoliy teraktlar oldini olish uchun chegaralar xavfsizligini oshirishi va ko‘chalarga qo‘shimcha politsiya kuchlarini chiqarishi haqida ma’lum qildi.
Izoh (0)