Tailand shimoli-sharqida 5-avgust, juma kuni ro‘y bergan yo‘lovchi avtobusi bilan bog‘liq yo‘l-transport hodisasida 6 kishi halok bo‘ldi, 30 kishi jabrlandi. Bu haqda “TASS” xabar bermoqda.
Avtohalokat tunda Nakxonratchasima provinsiyasi hududida sodir bo‘ldi. Thai PBS telekanali ma’lumotlariga ko‘ra, poytaxt Bangkokdan kelayotgan avtobus kuchli yomg‘ir payti yo‘lning qarama-qarshi tomoniga chiqib ketgan va yuk mashinasi bilan to‘qnashgan. Qurbonlar orasida ikki transport vositasining haydovchilari bor.
Jarohatlanganlarning barchasi yaqin oradagi kasalxonaga yetkazilgani bildirilmoqda.
Izoh (0)