Beeline kompaniyasining O‘zbekistondagi daromadi 2016-yilning ikkinchi choragi yakunlariga ko‘ra, o‘tgan yilning shu davri bilan qiyoslaganda 6 foizga kamayib, 164 million dollarni tashkil etdi, deya xabar bermoqda UzDaily.
Shu bilan birga, operatorning 2016-yilning ikkinchi choragi davomidagi daromadi so‘mda 479 milliardga teng bo‘ldi, bu o‘tgan yilning shu davriga nisbatan 8,37 foizga ko‘p demakdir.
Kompaniya ma’lumotlariga ko‘ra, ikkinchi chorakda mobil xizmatlar segmentidagi daromad 164 million dollarni tashkil qildi.
Axborot uzatish segmentidagi daromad hisobot davrida 32,3 million dollarni tashkil etdi, bu o‘tgan yilning ikkinchi choragi bilan taqqoslaganda 4,44 foizga kam.
2016-yilning birinchi yarim yilligi yakunlariga ko‘ra esa, operator daromadi 3 foizga — 329 million dollargacha tushib ketdi. Operatorning 2016-yil yanvar—iyundagi daromadi so‘mda 11 foizga — 947 milliardgacha oshdi.
Beeline’ning O‘zbekistondagi abonent bazasi 2016-yil ikkinchi choragi yakunlari bo‘yicha 9,9 million kishidan iborat bo‘ldi, bu o‘tgan yilning shu davridagidan 9 foizga kam demakdir.
Izoh (0)