Britaniya qirolichasi haqida 11 qiziqarli fakt

Qirolicha Yelizaveta II o‘rnatgan rekordlari va amalga oshirgan ishlari bilan allaqachon Buyuk Britaniya afsonasiga aylanib ulgurgan. 9-sentabr kuni u rasman Buyuk Britaniyaning eng uzoq hukm surgan monarxiga aylanadi. Lekin qirolichaga oid boshqa qiziqarli ma’lumotlar ham bor.

“ABCFact.ru” mana shunday faktlarni keltiradi.

1. U chet elga chiqish uchun pasportga ega bo‘lishi shart emas

Negaki texnik jihatdan Buyuk Britaniyada barcha pasportlar qirolicha nomidan beriladi. Qirollik oilasining boshqa barcha a’zolari, shu jumladan, Edinburg gersogi va Uels shahzodasida ham pasport bor.

2. Qirolicha o‘qotar quroldan foydalanishni biladi

Yuqoridagi foto qirolichaning Surreydagi o‘q uzish maydoniga tashrifi chog‘ida olingan. Yelizaveta II ga L85 vintovkasi ko‘rsatilganida, u chiday olmay, quroldan bir necha bor o‘q uzdi.

3. Ikkinchi jahon urushi yillarida u armiyada xizmat qilgan

Buyuk Britaniya qirolichasi bugungi kunda sog‘-omon bo‘lgan davlat rahbarlari orasida Ikkinchi jahon urushi yillarida armiyada xizmat qilgan yagona faxriydir. Bundan tashqari, Yelizaveta II qirollik oilasiga mansub armiyada xizmat qilgan yagona ayoldir. U 18 yoshida ayollar yordamchi hududiy korpusiga qo‘shildi. U yerda bo‘lajak qirolicha harbiy yuk mashinasi haydashni o‘rgangan edi.

4. U mexaniklikka o‘qigan

Bo‘lajak qirolicha armiyada harbiy mashina haydashdan tashqari uni ta’mirlashni ham o‘rgangan. Qirol, qirolicha va malika Margaret mashg‘ulot markaziga tashrif buyurganida ular o‘sha paytdagi malika Yelizaveta Qizil xoch yuk mashinasi ostida ta’mir ishlari bilan band ekanligini ko‘rgan. Yelizaveta bu kasbni egallaganidan faxrlanadi.

5. U yiliga ikki marta tug‘ilgan kunini nishonlaydi

Qirolicha 21-aprel kuni tug‘ilgan, lekin uning rasmiy tug‘ilgan kuni iyun oyining boshida, shanba kuni nishonlanadi. Bu Buyuk Britaniya monarxlarining rasmiy tug‘ilgan kuni hisoblanadi.

6. Qirolicha internet yo‘qligida ham elektron maktublar yo‘llagan

Qirolicha Twitter’ga o‘tgan yili qo‘shildi, lekin, shunga qaramay, ilk elektron maktubni u 1976-yilda armiyadan yo‘llagan edi. Ayni paytda u elektron maktub yo‘llagan birinchi monarx ham bo‘ldi.

7. U butun dunyodan to‘plangan ajabtovur qushlar sohibidir

Britaniya monarxiyasining rasmiy saytiga ko‘ra, qirolicha ochiq suvlardagi sohibi yo‘q oqqushlarga egalik qila oladi. Dunyoda boshqa hech kim uning qadar ko‘p qushlarga ega emas. Shunga qaramay, u har yili Temza daryosining ma’lum hududlarida suzib, oqqushlar inventarizatsiyasini o‘tkazadi.

8. Qirolicha ba’zan OAVga fotobombalar taqdim etib turadi

2014-yilda Hamdo‘stlik o‘yinlari chog‘ida avtraliyalik xokkeychi ayol Jeyd Teylor Twitter’dagi sahifasida eng mashhur selfilardan birini chop etdi — unda qirolicha Yelizaveta Jeydning orqa fonida tushib qoldi.

9. U Jeyms Bond bilan birga kinoga tushgan

Qirolicha Britaniya maxsus xizmatlarining eng taniqli agenti Jeyms Bond haqidagi filmlardan birida suratga tushgan.

10. Mashhurlar u bilan ko‘rishish uchun navbat turadi

Modellar, aktyorlar, Gollivud yulduzlari va hatto One Direction guruhi a’zolari — qirolicha bularning bari bilan uchrashgan. Odatda ular qirolicha bilan ko‘rishgani keladi.

11. Qirolicha Ali G. ga muxlislik qiladi

Angliyalik komik Sasha Baron Koenning personajlaridan biri Ali G. Yelizavetaning onasida unutilmas taassurot qoldirgan. Buni shahzodalar Uilyam va Garri tasdiqladi. Bir kuni ona qirolicha ular televizorda Ali G. ning kliplarini ko‘rayotganiga guvoh bo‘lgan. Ular qirolichaga barmoqlarini shaqillatish va “respekt” deyishni o‘rgatgan. Bir safar u tushlikdan so‘ng “Tanovul ajoyib bo‘ldi, respekt”, degan. Bu so‘zlardan so‘ng qirollik oilasi kulgisini tiyib tura olmagan. Shu bois qirolicha Yelizaveta II onasiga yoqib tushgan personajga muxlislik qiladi.