17-iyul kuni Yerevandagi politsiya polki hududini egallab olgan “Sasna srer” qurolli guruhi a’zosi Araik Xandoyan sud qarori bilan ikki oyga hibsga olindi, deya xabar bermoqda “Interfaks” uning advokatiga tayanib.
Shuningdek, “Ta’sis qiluvchi parlament” fuqarolik muxolifat tashabbusi matbuot kotibi Varujan Avetisyan, Areg Kyuregyan va Aram Akopyan ham hibsga olindi.
Ularga odamlarni garovga olish va noqonuniy qurol saqlash ayblovlari qo‘yildi.
Avvalroq Yerevandagi politsiya patrul-post xizmati polkining garovga olinishi munosabati bilan ochilgan ish bo‘yicha 47 kishi hibsga olingan edi.
Izoh (0)