Qozog‘istonning Olmaota shahri shoshilinch tez yordam shifoxonasida 18-iyul kuni Ruslan Kulikbayev tomonidan uyushtirilgan qurolli hujum vaqtida yaralangan ikki nafar politsiya xodimi halok bo‘ldi. Bu haqda shahar ichki ishlar departamenti matbuot xizmati ma’lum qildi, deb xabar bermoqda Kazakhstan Today.
Qayd etilishicha, 1973-yilda tug‘ilgan politsiya katta serjanti Serik Abildayev hamda 1992-yilda tavallud topgan politsiya leytenanti Meyrambek Raxmatullayev hayotdan ko‘z yumdi.
“Rahbariyat, faxriylar kengashi va Olmaota ichki ishlar departamenti shaxsiy tarkibi Serik Abildayev va Meyrambek Raxmatullayev oilasi va yaqinlariga chuqur hamdardlik izhor qiladi”, – deyiladi xabarda.
Oldinroq Olmaotadagi otishmalarda halok bo‘lganlarning oilasiga 15 million tenge (45 ming dollar), jabrlanganlarga 5 million tengedan (15 ming dollar) moddiy yordam ajratilishi haqida xabar berilgandi.
Izoh (0)